Анхан шатны буддын хичээл

Сургалтын тухай

Анхан шатны хичээл нь Буддын гүн ухааны суурь ойлголтуудыг олон нийтэд хүртээмжтэйгээр таниулах зорилготой. Гавж Д.Нямсамбуу багш 2004 оноос хойш тасралтгүй заасаар ирсэн энэхүү хичээл нь “Сонсъё, ойлгоё, хэрэгжүүлье” гэдэг уриатайгаар явагддаг.

Ямар нэгэн буддын суурь мэдлэгийг шаардалгүй аливаа насны хүн элсэн орж болно. Хичээлийн хугацаанд Бурхан Шагжамунигийн амьдрал, сургаал, Буддын ёс суртахуун, өдөр тутмын амьдралд хэрэглэх арга ухааныг судална.

Гол сэдвүүд

• Буддын гүн ухааны үндэс
• Буян ба нүглийн тухай ойлголт
• Дөрвөн эрхэм үнэн
• Найман зөв зам
• Бясалгалын суурь аргууд
• Өдөр тутмын амьдралд буддын сургаал хэрэгжүүлэх нь

Хичээл бүр дуусгавар болсны дараа оролцогчид асуулт асуух, ярилцах цаг гарна. Энэхүү нийтэд нээлттэй хичээл нь 20 жилийн хугацаанд 100,000 гаруй иргэнийг хамарсан нь Монгол дахь Буддын боловсролын хамгийн том хөтөлбөрүүдийн нэг болж байна.